19 يوليوز 2021
روح
روح...
لا غلة فيك لا بلوح
لعقل أ صاحبي خاوي
بخورك ضر م يداوي
بعباع لا طيبة فيك لا روح
فيا المتلوف الرجلة فعل ؤ صواب
ؤ أنت سكناتك غ الخملة والجراب
كدية هو راسك. م دار..
ؤ ف مزبلة لأيام والتاريخ مليوح
روح...
سمع ؤ فهم البوح
راك هبيل مفضوح
دواخـلك مـصدية فـالسو
عايش م فاهم حال ؤناسو
حمارك ملاطي ، فثبت ؤ بلا فوح
رمم دمـاغـك راه راشي
محكوم ف الظلمة ماشي
عبس والأعمى، الغمة والنوح
روح...
راك دزْت لكبدة ب لعلاًلي
لقلب ميت ؤ بْلابلا ؤمالي
قاسح حجرة ، والحس ممسوح
ظنيتك صديقي ، خويا ؤ جاري
زعما دم واحد في لعروق جاري
ساعة تمساح وليتي ، اللهطة والفوح
روح...
راك م تسوى جرام ف الميزان
لخديعة راس مالك اسي العيان
حنش مرقط ؤ سنين هذي ...
مسحتي الود واللوح
باـلنار يا الـعار غـدا نـداويـك
نردك لصواب ؤجُمانْفو عليك
راك مسخرة بين لعباد مفضوح
ؤ ديك خاوة خاوة كولها
زرعـت غ الـضر والغـابة أنت غولها
مكروه غدار، فقلب على من تدوخ
روح
الأديب والشاعر والزجال المغربي الأستاذ أحمد الكندودي
تعليقات القراء
جاري تحميل التعليقات...
القصيدة السابقة
حرباء بأنيابالقصيدة اللاحقة
نْسى19 يوليوز 2021