The Poet's Courtyard

نْسى

نسى الهمْ والغم ينساك

ما تْولفو عادة فَ عليك يقْسا

ربْطوا ؤ ديرو فِ شْباك

شي يطيح وشي يبقى ؤ يرشا

ما تْهز حرْ هذا أو ذاك

غدا ينساك ، ؤتولي غْ سوسة

دير لخير ؤترجى مولاك

هو لعاطي فعنداك تْغَر ؤتنسى

دنيا كِ لبحر فاحذر عفاك

مْواجو تْهبج، ؤ تهدم المرسا

عش وابتسم تنل مبغاك

ؤلعدو يتَخْنق ، تْشَدو لْفَقسة

تَبًع رايك ؤ زين ملقاك

لوفا ؤ صدق مروج وعرسة

ركب لمحبة ؤقاد خطاك

ؤلِعْواج ؤ تْنَكًر دوسو دوسة

مَـرْبَطُك هـو سر مغناك

ؤلبغيتي لَهْنا حْسَنْ بَعِدْ ؤرْسا

بْني لْحُلم تحقق كل مناك

ربي لكبدة عل الصدق ،فعسى

ترتاح مَنْ ذاك لـي أداك

تبلغ لمراد ؤغدا تكبر ؤتنسى

ؤذاك لهم ل درتِ فَشْباك

شي يطيح منو،ؤل بْقى يرشا

نسى