The Poet's Library

رسالة لأسود الأطلس

ما عندك م تخسر

لعب...

فما عندك م تخسر

الاسود ها هما

رجال ؤ قادين على حومة

وعلى الديك عيد ؤ تمختر

ياك علمتونا الرضا والنية

ؤ بالصفا والجد نقطعوا راس الحية

عاودها بالراس ي نصيري وافتخر

او من لبعد يتيريها زياش

برق م تقشع لفروج يضربو تشاش

نطلعوا حنا ...

ولذاك الثعلب غبروا الاثر

لعب

دريبلي ؤدور لكواري

الدفاع يشد ف ذاك الجاري

لمرابط تما...

وحكيمي يحك للكول لخنفر

سمع القول يا ركراكي

ضربو فرنسا حسابي معاها ناضي

نلعب الفينال فهي الخاسر

ذيك لكاس ديالنا فجيبوها

م يديوها لفرنسيس م يردوها

فيها عزتنا ...

فشوف كراهية الغرب الماكر

بالنية والوطنية يلعبوا دراري

يسكتوا ذيك الالسنة لي شرها ناري

وريوهم علاش قادين السبوعة...

ؤ على هبالهم وغيضهم كركر

لعب راك رابح والديك خاسر

ذاك ل م يصلح الا للرفيسة

واش عمردجاجة طيحت السبع فريسة

الماتش ديالنا والله المعين الناصر