The Poet's Courtyard

سير

سير ..سير

ؤ م توقف حتى لمرمى

فكر عاد تير

سجل هدف الهمة

غ تيق راك كبير

فرًح لحباب والأمة

م يكون غ الفرج والخير

ؤخصمك خليه يتلوى

سير

يا فريقنا الوطني

ماركي لول ؤزيد ثاني

ثبت في لعبك ؤتزيان لغنوة

تهز كثر من المحال

راها بالراس ربحة وفال

حطها ؤ غني لعلوة

يحيح الجمهور

يفتخر ببلادو ؤ بالفور

تعم الفرحة والسلوى

سير...سير

ورينا حنة يديك

لجماهير كلها تهبل عليك

زيد الثالث ؤ كون لقدوة

بالفنية دور ذوك لكواري

عنداك لافوت فوصي دراري

ؤ بالثبات والصبر مخض الشكوة

رفع لعلام يا الركراكي

راك على الكاس غادي

جيبو باش نتهناو ؤ تتهنة

سير ...سير

سير...