The Poet's Library

يا صاحبي

يا صاحبي ، نوصيك ما تديها في حَدْ

زْمانْ شًايطة هذا،ؤولاد العز فيه ضاعو

يا صاحبي، إياك من البنذير إيلا تجلد

في عمق لهنا ولْحكمة ، يكثارْ صداعو

الجو غيام والحال مريض كحل مْلَبًدْ

الخاوي لِ فيه،هو لِصْبَحْ راكب شراعو

لهرج ولمرج ولْكُنْه حبيس ظلو مقيد

غابة ولا هاذ العالم ، فيه سادو ضباعو

لخبث ولغفلة ولذًلة ولات كتاب مجلد

فصولو ضر، لقيح ونفاق ساكنين قاعو

لحابل ساح ع ًنابل والجرو ذْليل عَرْبد

وفي الركنة ، لَوًاتْ لَكْلاب للسبع دراعو

اه ياصاحبي نود نوصيك ومني استفد

فالصفصاف الشاهق خاوية هي فراعو

هذا راه زمان للهفة والذلة وتقبيل اليد

راسي يراسي وكلها بِبِسْطُوه لا بدراعو

يا صاحبي ، نوصيك ما تديها في حَدْ

زمانْ شًايطة هذا،ؤولاد العز فيه ضاعو