arrow_backالعودة إلى الديوان
20 مارس 2020
حكمة الله
حكمة الله العالي م لها حدود
ؤ نورو في أرضو وسماه بالحق ضاوي
واضحة بلاًر م يخفيها جحود
أو شرور لعباد ، ؤ ذاك الخبث ؤ تْلاوي
هو مول لعطية والدفء ولْجود
مول الشان ، ؤ ب كن ، كل علة يداوي
هو الشفيع والخير المنشود
الواحد الرحمان الرحيم الجبار والقوي
في رضاه طمع ففضلو ممدود
قريب إذا دعاه عبادو مجيب للدعاوي
م يخلي عبدو عليل منكود
ؤل صدق إيمانو،ينجيه من الغم الكاوي
فنوض أبنادم ركوعا وسجود
طلبو ؤترجاه تزول جايحة،فهو لمُداوي
طهر نفسك من القبح المنبوذ
م تكفر حد ؤم تخرج ضد عبادو فتاوي
ذيك جْهالة ؤ قلة رأي ومردود
ؤحكمة ربي إحسان،ؤنت ف الشر داوي
فحكمة الله العالي م لها حدود
ؤ نورو في أرضو وسماه بالحق ضاوي
الأديب والشاعر والزجال المغربي الأستاذ أحمد الكندودي
forum
تعليقات القراء
جاري تحميل التعليقات...
القصيدة السابقة
بقا في داركالقصيدة اللاحقة
جحودarrow_backالعودة إلى الديوان
20 مارس 2020