4 شتنبر 2022
ذاك الواطي
شحال من واطي
بريالو عاد طرزان
دفوع كبير ؤ لفوحان
ؤعلى بنات الناس يقاقي
عايش بطاطي
داير فيها سبع
حاط على لي رباها ضبع
نسات الأصل والوتر والشفع
باعت الجثة لِ سلكَوطي
بل ل واحد كلشي عندو ب ثمان
طاحت في الحفرة ؤ تجمع عليها الذبان
بل كل خامج مخو عنطوطي
قوتو حديدة وريال
من لحرام جابو لا لحلال
صياد شياطة عايش فلونطي
مخنث لا تعول عليه بلاد
فرعون حقار ل لعديم من لعباد
دسروه ؤم يسوى والو ؤ بالكَرناطي
م يعرف تيقار ولا مروة
الرجلة واعرة عليه ؤ بالمرة
سلالة لفساد ل خاصهم الزرواطي
شحال من واطي
بريالو دار الشان
لا ثقة فيه لا امان
سقيم من الداخل لواطي
داير فيها طرزان ؤ زاد عنادو
الفوح ؤ التفرعين م يوصل سيادو
ناقص ؤ عند لعقال خاوي ملاوطي
ففيق يا ذيك ؤ ذاك لبريق
م تركع ل راس مالو ريال زنديق
الصباغة ؤ لمظهر ...
بل قل كلب بالكرانطي
شحال من واطي
الأديب والشاعر والزجال المغربي الأستاذ أحمد الكندودي
تعليقات القراء
جاري تحميل التعليقات...
4 شتنبر 2022