The Poet's Library

بلادي

بلادي يا نوارة ؤ يا زينة كل البلدان

جبال و رجال ، قيمة وهمة ؤ شان

تاريخ ؤ حضارة ، نضج ؤ عمران

فما لك يا لحاسد ديما علَى حالك زربان

هذي راها بلادي ، ؤ نت غ صل ثعبان

سقاتك لمحبة ، ؤ جزتيها ب النكران

فمالك في شرك طاج ، قبيح اللسان

نوض تعب ؤ حتى نت دير لراسك شان

طُل على مقامك،، راك ف لحفرة عيان

عين لحسود فيها عود، افهم لْغا ي فلان

ؤ من بلادي تعلم لعزة لأمن و لأمان

ما نفعت معك خاوة ،لا ملحة غ لغنان

بلادي شريفة منصورة، وَقيها الرًحمان

ؤمن عين كل حاسد ؤلقليل النية شيطان

بلادي ي نوارة ويا لالات كل البلدان

ؤمن طنجة حتى لكويرة يد وحدة إخوان

يد ف اليد،صفا ونية ويموتو كل لعديان

ؤ بفضل ملكنا السادس لحكيم الإنسان

تْزيد سفينتنا ،يزهر الحب ولخير ولحنان

بلادي