arrow_backالعودة إلى الديوان
11 دجنبر 2022
سير
سير ..سير
ؤ م توقف حتى لمرمى
فكر عاد تير
سجل هدف الهمة
غ تيق راك كبير
فرًح لحباب والأمة
م يكون غ الفرج والخير
ؤخصمك خليه يتلوى
سير
يا فريقنا الوطني
ماركي لول ؤزيد ثاني
ثبت في لعبك ؤتزيان لغنوة
تهز كثر من المحال
راها بالراس ربحة وفال
حطها ؤ غني لعلوة
يحيح الجمهور
يفتخر ببلادو ؤ بالفور
تعم الفرحة والسلوى
سير...سير
ورينا حنة يديك
لجماهير كلها تهبل عليك
زيد الثالث ؤ كون لقدوة
بالفنية دور ذوك لكواري
عنداك لافوت فوصي دراري
ؤ بالثبات والصبر مخض الشكوة
رفع لعلام يا الركراكي
راك على الكاس غادي
جيبو باش نتهناو ؤ تتهنة
سير ...سير
سير...
الأديب والشاعر والزجال المغربي الأستاذ أحمد الكندودي
forum
تعليقات القراء
جاري تحميل التعليقات...
القصيدة السابقة
احلمالقصيدة اللاحقة
رسالة لأسود الأطلسarrow_backالعودة إلى الديوان
11 دجنبر 2022