The Poet's Library

قالوا زمان :

السًاهِل ف لَبْقَرْ حْضيه أو قيدو

إل يجفل ؤ ينطحك والحل بَعْدو

ؤ ف ضحكة الصفرا لا تيق يا فلان

بنادم صعيب ؤ فسدات طباعو

راسي ي راسي والباقي باعو

بدًل جلدو ،ؤ لبس جلدة الشيطان

ؤلا بغيتي تعرفو قَلًبْ حَسْ قاعو

جربو،ؤلكان سطل لوح صداعو

فميزيدك غ غمة،ؤيْدُكْ عليك لحزان

والشوك لمعرش م يَزْبَر غْصانو

ؤ لعود لمثقوب م تمتعك ألحانو

ؤ لماء لمالح م يروي ظما لعطشان

فلا تقول هذا خايب راشي بالو

ؤ هذا مزيان حيث عجبك حالو

ؤلا تحكم على الناس حكام العميان

سند ليه الهمة ؤ تشوف موالو

تلقاه باع لملة غارق ف وْحالو

نسا الاصل والفصل ؤلبسو الطغيان

عدو لفقير خوه يحاربو بطماعو

ؤ لمرفح لهف كلشي فطاح باعو

ضاع الحق ،ؤعواجت كفة لميزان

قالوا زمان