The Poet's Library

بيني ؤ بينك بعد ؤ فاصل ؤ مسافه

فلبس قدك اخاي يواتيك

ما تدخل فيما لا يعنيك

م يكون راسك كدية خاوي منشافة

إلما عجبك بنادم لوحو

يتقاد أو يصحح لوحو

ؤم تحكم عل حد بالجهل والخرافة

لا تعمم في الأحكام

ظن ؤشك ؤ الملام

شد وقرك ؤ بعد عن ذل السخافة

فطبعك كائن غريب

لعدو عندك ك لحبيب

ما عندك قرار تابع عيان جلافة

سيرنقي لغاك ؤودنيك

رجلة عز بزاف عليك

أعمال وأفعال رزانة ؤ ظرافة

هي نفس لخلق عايبة

بلا لجام تايهة سايبة

ؤ عند الصح م تلقاها الا سوافة

لا وفا بقا لا معقول

لخيرغاب عاد مغلول

سبابوأهل لقبح ولعار والخطافة