The Poet's Library

آش قضيتي

بذيك الفردية

هبال لممسوخة ولْحرية

لِ عليها حصلتي

هدمتي ما بنيتي....

فآش ربحتي

ما عرفتاك مذكر ولى أنثى

لا حس لا قلب نقي كَلثة

وفين كَاع وصلتي

واش تبدل مقامك

اولا زاد رخاص وهبط شانك

فشدي ما خترتي

لفظك الحال عدتي سلعة طايحة

غدايد الدنيا تجمعت فيك وبها جايحة

فتي التمدن ...

وفي الظلام غرقتي

غروك بلالة اومالي والذراع لْكَاضي

عدتي عزري لا ترابي لا حاضي

حنقزتي نقزتي ...

فاش قضيتي

خطأتي

بينك والتمدن مسافة

عضاضة انتهازية علافة

لا حشمة لا وقار بقى ...

كلشي في دروب التلفة تباع وتبعتي

اش قضيتي

واش من خير في هاذ لارض درتي

عنططتي...

وعلى الريال وسط الغيس طحتي

فاتك الركب والقطار

لا ام صالحة الشوهة والعار

اولا قاسك حر الحرف...

فسولي على ذيك لقيمة ل خسرتي

آش قضيتي