The Poet's Courtyard

يا لمكرغل

طلْ يا لمكرغل طُل

دير لمجهر وزوق عينيك في لمجمل

ما غادي تلقى غير ما يكمل عليك

يزيدك حيرة وهواس فنقي وذنيك

كحل وتمنظر...

ؤ شوف لمغرب فين وصل

نضج وتمدن وسلام

ارض لخير والأصل والوئام

لا بغض لا حسد ...

لا ازدواجية لا غل

طل

شوف الحقيقة ونسى بلابلا

ذوك الهدارة والفوح ولمساليا

هز دلو...

وحط سطل

نوض وريني حنة يديك

فاشل لا صفة لا زين يواتيك

بطانة عفنة الشوهة والذل

واحد زرع وحصد غلتو

ؤ واحد رهن ل هبالو هْلو ومالو وقوتو

طاح في وهمو ...

عاد دباز بوق يعوي ويطبل

طل

يا الناقص وتعلم

مسخرة عدتي وحلفتي لا تفهم

انك خاوي ...

السنطيحة مصندل

الناس نشدات لهنا

ولمكرغل خنزو ما لو دوا

عامر قيح...

لا مخ لا دين لا عقل

بل قل محرطن نكار

صياد لفكارن مشرار

لا ثقة فيه لا أمان...

و مكملها ب الدسارة ...

حيت تربية الكوري والاسطبل

لا اخلاق والصورة مذمومة

لوعي ناشف ولعقلية محمومة

حايط بها مكرو وخرافتو ...

عيان بهلوان هبل ؤ جهل

طل

شوف لمغرب فين وصل

ففاقد الشي ما يعطيه

لسانو مشوك مريض سفيه

ضاربو الله مكرغل

طل

ؤ باركا عليك من النبيح

القوة الضاربة في الغيس سايرة تسيح

ما في شلها ما يبلها...

نهيق وشيخهم حمق مكرغل

ؤ حنا ولاد الرجال والخضارة

سول توبقال التاريخ والعمارة

أشراف عليك ...

فتمرغ بغصتك في مكرك راك نذل

طل

كحل عينيك وشوف لمغرب فين وصل

يا لمكرغل