6 أبريل 2022
يا الصالحة
يعتمد هذا الموقع على التعليق الصوتي الآلي. لذلك، قد يكون النطق غير دقيق في بعض الأحيان، وخصوصاً في الزجل المغربي.
يا الصالحة
اش بيك تالفة خايفة
نتي عروسة لبنات ؤبنت الأصول
الطيبة والحشمة والساس مكمول
عوينة لوفا والكلمة الوافية
نورك ضوى الحال وخا داع ظلامو
انت الأمل فقيد الغابة صفد احلامو
عمدوا في بركة الغمة ؤزندت العافية
يا الصالحة
انت لالا ؤ زينة لبنات
ل خدشو الحشمة بالشر والويلات
عار ؤنت في الركنة مخبعة نايحة
قربي قربي نحكي ليك
لقوم معمية داسوا صفا فصوني ل ليك
راهم تبعوا زواق ؤقصص لهوى النايحة
أنا ي الصالحة عطيت لمحبة والخير
لوفا ؤصفا ديني والقلب كبير
لكن زهري لهبيل طيحتو قاسحة
يا الصالحة
واش تقبلي بي رفيق ؤحبيب
تكوني ظلي فالقلب غريب
جف حسو ؤ تكسرت دموعوا السايحة
بل زرعيه دفا ؤصفا ؤ نوار
طهري دواخلو بالنية ؤلمحبة ؤشوار
كوني سمايا ؤ ارضي العابقة الفايحة
لقوم لمعمية نعلوا العشق وهم ل ظلموه
بكاو على المعقول ؤ ب لكذوب رهنوه
فغير قراي على هاذ السلعة السلام ...
فما هم القدوة ولا البذرة الصالحة
يا الصالحة
الأديب والشاعر والزجال المغربي الأستاذ أحمد الكندودي
تعليقات القراء
جاري تحميل التعليقات...
شارك القصيدة
القصيدة السابقة
كيف الخلاصالقصيدة اللاحقة
محصول حاصل6 أبريل 2022