arrow_backالعودة إلى الديوان
12 يونيو 2022
شْتَف هَيْتَف 2
بْنادم ولًى حْدية
خَرًف ؤ تلف
لَمْرا هرسات الجرة ؤداعت
تَبْعت لموضة ؤ ف الحفرة ضاعت
اختارت الهزان والخش والجلف
باعت الهمة ؤالشاري سمسار
جثة للبيع سلعة ؤ عار
ظنت المظهر قيمة زواق ؤ علف
اما الراجل ل عليه قالوا كامل
هرب ؤ طج ؤ قطع كَاع لفرامل
حط الدوزان ؤ على الضياع حلف
ؤ لولاد كساتهم مساكن لغبينة
عضوا لبزولة لا قراية غ روينة
ضيعهم هبيل والالة ؤ لحنان جف
اه يا لمزوق من برا راك تهترف
بالطيبة والخير خاصك تعزف
ؤ من عين لمحبة سقي ؤغرف
ربي ؤصون أهلك...
ؤشد في المعقول ؤ عف
شتف هيتف
الأديب والشاعر المغربي الأستاذ أحمد الكندودي
arrow_backالعودة إلى الديوان
12 يونيو 2022