The Poet's Courtyard

لغْابة غوْلاتْ

لغابة غولات...

ؤَُضْعيف فيها عْشاتُو فْتات

لا فرحة ف عيون الصبح طلًت...

ؤ دًمْعة عَلْ لخدود تْحَجْرات

لغابة سَكْناتْها الخيبة

والغد فْقَدْ نُورو...

وشْموعو طْفات

صْدُور لَخْليقَة مسعورة..

وشرورها زَنْدات

وَشْحال هاذي اخْتارِت الغفلة...

وَ بِرْمادْ العبوس سَوْكات

لَقْلوب بالمكر ؤُ دْغُلْ عامرة

والأنانية في الذاكرة للحق حصدات

لا صْفا بْقَى ؤلا حيلة نفعات

الْغَمْ ؤُ زْواق وَ نْقى

سَبْع وْجْوه مُوضَة وَلاًت

اه يَا خَشْ لْغابة اه

اه يا فاسْ لْحَطابة اه

ؤ ضَمير لْغايبْ لِ ماتْ

تْبَدلَت لمواسم ؤَُ لَفْصول

غابْ الصدق ؤ لمعقول

طيور سْكَنها لْيَأْس ... .

ؤُعْل أمْواج الْمَوْت رَحْلاِت

خَلاًتْ سْمَنْ ؤُعْسل بْلادها...

ل سايْرين يْنَهبو فيه ذوك لماركات

لغابة غولات.

الأرض على أزهارها

أنًتْ ؤُ بْكات

الخوف من المجهول في القلب وَلاً جمرة

الصبح عْيا و هْرَب بالمرة

الأرض شاخت والهَوتَة كبْرات

لغابة غولات

ذْيابْها سْمانِت والقرابين كَثرات

نَهْبَت حقْ رْبيع

ؤُ بِْراسْ مالو، باعِتْ ؤ شْرات

ؤ شُوك دَكْ الخير والفرحة

سْبى الأمل وَ زْرَع الخيبات

لغابة غَوْلات