The Poet's Courtyard

بَعًدْ

بعًد

على البدال والسلبي ...

وبالنضج تميز وتفرد

لا تقرد

قدام باب الناقص

راه على حبل النفاق ولمكر راقص

اعتزل الظلام ولغدار وغرد

بغي راسك

خذ حذرك ولبس قياسك

لخلق ايلا ما ضرك يعود وسوسك

وفي نفسك تهلى شور ...

وعلى الله اعتمد

دير باش تلقى الله

هو خليلك فتوكل وترجاه

هو العاطي الكبير الواحد الاحد

عمد

ذيك الروح بالطيبة وغربل بنادم

فوت القيل والعيبة والطبع القاتم

ل يعكر صفوك لوحو...

راه غ بوبريص تنفخ وتجبد

ما تغريك قلدة ولا جثة ولا مقام

ما تضغضك هرة الرعواني ولا كلام

حسب الف كياومتر خوي ؤ بعد

عاند لا تحسد

بالغيبة لا تنهب لحم بنادم

ديها في سوقك وفي قيمتك لا تساوم

دفن سرك...

وما تشكي اصبر وتجلد

دير سكاتك ونيس

بسيط ثقيل عيش درويش

زمان لفراطط هذا ...

لا نقا لا طيبة ولا وفا بالوعد

صحبة كول ؤ غسل

بحال لي ملحة بحال ل سمن

بحال بنادم بحال القرد

شد في حبل الخير والصواب

خلي الدون ترضع من البغض والعتاب

الناس للناس ...

لكن ل زرع لمحبة ولها حصد

تفرد

في طبعك ؤ عمالك

انت سي السيد فقاد فعالك

حلم تزرع راحتك بيدك...

وعلى كل سلبي نكار شلاهبي بعد

بل صاحب لكلمة والصورة

رفيقك راسك لاتكون بطانة مجرورة

رسم طريقك ...

ففرح ونسا وسعد

بعد