arrow_backالعودة إلى الديوان
11 فبراير 2021
اش طرا...؟ا
بنادم تلف ؤفقد صباغتو
في الطايحة رهن حياتو
والعجاب م حس م فكر م درى
تبع طريق بلابلا والنهيق
حلف ميعي ؤينضج ؤيفيق
ؤ زايدها ب السنطيحة والهدرة
اش طرا...
حتى تحول بنادم شيطان
تبع لكذوب فقد الانسان
قلوب كرمت وضميرعاد حجرة
مات الحب والود والحنان
مات ف لقلوب كل سلوان
بات لمعقول محنة ؤطريقو حفرة
زينا فقدوها
خايبة عبدوها
راسي يا راسي والقبح والحقرة
اش طرا
م بقات ثقة ل خير ولا امان
بنادم تسيف واختارالنكران
لسانوخبيث ؤم ينفت غير الغبرة
الحقد والكراهية والنكران
الوساطة ؤسي فلان ؤ فلان
تلف المركب والسوق بيع ؤشرى
اش طرا
حتى فقدت طباعك ورسامك
ؤبالهجر كسيتي هلك وحبابك
لا صحبة خليتي لا وفا ولا عشرة
اش طرا
حتى وليتي جرو مسلوب
دفيع كبير ؤ لوجه مندوب
انتحارطبقي ؤتعمار البطن والسرة
اش طرا
الأديب والشاعر المغربي الأستاذ أحمد الكندودي
arrow_backالعودة إلى الديوان
11 فبراير 2021