The Poet's Courtyard

المجحوم

عطيه...

باش يعمر راسو ؤ لهيه

بيادق عجيبة

على الأرض احوال غريبة

بو ودينة ؤ ما تيق فيه

غايتو لبطن والجنس

مات قلبو ما عاد يحس

وعلى الكانون قلبو وشويه

خارج التغطية

لا نضج لا آدمية

رهن عمرو ف لالة ؤمالي والتيه

عطيه

حيت راسو خاوي

واعر ف التحراميات وتلاوي

والسفيه عليه قالو...

واخا تحرق يديك يبقى سفيه

ما ركة مستعملة

كتل لحمية والبهدلة

فيها عاد لكذوب طبع

عيان مقطر عليه الشمع

خسر راسو و ل ليه

لقسوة والتشطيبة

لغدر بمرارة الطيبة

تخلوضات الكَلتة ...

زمانو منكر سد ؤ فخويه

فيه تلفات الطرحة

على كرشو يحبو بحال بوصيحة

ناري في مخو مدقوقة طلحة

كلشي تبدل...

الا عقلو وب قبحو خرج عينيه

هكا تربى المجحوم من صغرو

ما عارف قدر العفة هبيل حتى ف كبرو

لهيئة والقلدة وبدرهم وقية تبخر ليه

ففينكم يا لفقية

واش عاجبكم لحال ففين التقية

غرقتو في اللادينية ...

ؤ بقا المخلوق واحل لا هنا لا لهيه

بل ما عاد يخاف من الله

في شم ولم كنتم القدوة ؤ ما شاء الله

عمت الروينة والحال مغيم عتيه

ما وعيتوا ما درتو مزية

سوقكم كاسد والسلعة هي هي

بنادم زاد فيه طويل ساد ودنيه

عطيه...

عاود ليه التربية

راس مالو لهاية فزيد لهيه

هذاك تخلق مشيطن

في لقباحة غارق معفن

يبيعك بالرخا فلا شان لا زين فيه

عطيه...

راه عاد مجحوم

عيان شارد مفصود

ما يستاهل تقدير والحاويات تكفيه