The Poet's Courtyard

آش تتخطط

آش تتخطط

راه لي فرط يكرط

وانت لاعب كبير

دواخلك عافية ضرير

ؤحصادك كرموس لمعنطط

اش تتخطط

حاب ترد الأرض مشتتة وزيعة

قبايل هزيلة للعدى مطيعة

هبيل وريحة لخيانة فيك تعطعط

آش تتخطط

لمغاربة قلب واحد

رادين لبال لكل عدو وحاقد

ولي بغا يزرع لعداوة...

نبردعوه و نعلموه يزعرط

حيت بهيمة غراوه بالشعير

وراوه لعديان ك يفكر ك يدير

قصدو راس العين مخو مبلط

في ظل السادس لا حنش لا ثعبان

غدا لبلاد من كل طالح تنقى يا سي لقمان

اللعبة واضحة والحقد بالأطنان

لا تمرير الاجندات ونعيق الغربان

ؤ ل ظن لحصيدة باردة...

جاهل هذاك وفي عماه يتخبط

فاسمع يا ذاك المجحوم

جناحك منتوف مالك بالقبح موسوم

وباش ضربك حمار ليلك ...

ركبتي الوهم وراك تزعرط

ضيعتي عمرك في التبعبيع

ما دعيتي لخير ما كنت حمل وديع

ذيب وللأجندات خديم مرهط

عياشة وعلى وحدتنا ما نساومو

ضد اعداء لبلاد نضحيو ونتعاونوا

ما تغرينا دعاوي لحمقى ؤلعيان لممغنط

اش تتخطط

فتجمع ولم لسانك

بلادنا جميع ضمانة امانك

نخاف عليك تطيح...

ؤ ما ينفعك بلانك لمجلط

فيق قبل ما تحرقك نار العنصرية

ل عادت فيك بلية وانت حدية

دعي للخير وفي لمحبة لا تفرط

بل نخاف عليك من لواد السكوتي

ل حقرتيه وفي التوش رميتي

يهيج عليك

ؤ ل فرط يكرط