14 ماي 2026
مات فيك الحس
يعتمد هذا الموقع على التعليق الصوتي الآلي. لذلك، قد يكون النطق غير دقيق في بعض الأحيان، وخصوصاً في الزجل المغربي.
مات فيك الحس
فقدتي الرقة والملمس
بين حر الزحمة
داتك الحملة والصدمة
ضاع نبض القلب ؤ حبس
ؤذاك الهمس
لي على الخد زهر راه ذبال
فقد لونو تشوك ونثنو حال
جرف سهول الريحان...
ولطيبة القلب دنس
احبس
اش تتركل وتدهس
فين غادي تابع لا متبوع
بنادم رهنك ك الكالة موضوع
مخلوق ما يحشم ما يرمش
فقدتي الحس
عدتي حجرة ؤمات لقلب ...
وفي السفالة غرق وغطس
الكبدة حرقها جمر التمكريه
لجثة هنا ولعقل لهيه
باغي يعدد مشموت ما قيس
ذاك راه شعوري
ما يتلوى عليه دون ولا حنتوري
لا موسخ الروح لكلشي عندو رخص
ؤ ذاك لحس
لي جمع بين لقلوب زمان
لا تلاوي لا كذوب لا بهتان
عاد نشوة غير جر لبهيمة ؤ خلّص
مات فيك لحس
ذبحتي بالقسوة طيور لحمام
لوهم داك وبلاك الشكل والهندام
الطيش والتنقاز ...
لا فصل لا أصل لا مغرس
باركا من التشلهيب
خليني نلبس السترة لا العيب
نبغي راسي...
ؤ ما نتسنى لذعة معلول مبرهش
جمع خطواتك
جوج وجوه وزفطاتك
فوت فرحة حروفي...
فاللعاب يبقى لعاب نحس
وانقش
صورة ظلامك المحمومة
سهام لغدر لكذوب واللومة
سوق الغفلة هذا...
تباع فيه لوفا والنقا والحس بالرخص
مات فيك الحس
الأديب والشاعر والزجال المغربي الأستاذ أحمد الكندودي
تعليقات القراء
جاري تحميل التعليقات...
شارك القصيدة
القصيدة السابقة
ماذا وقع ؟؟ 2القصيدة اللاحقة
لا توجد قصيدة
14 ماي 2026