13 نونبر 2024
ذاك القاري
يعتمد هذا الموقع على التعليق الصوتي الآلي. لذلك، قد يكون النطق غير دقيق في بعض الأحيان، وخصوصاً في الزجل المغربي.
ذاك القاري
ذاك القاري
ولد بلادي مهموم عاري
سدوا ابواب لغد في وجهو
تالف عايش ؤهو بعزو
اختار الهربة من العطالة و لحفاري
مشا ؤخلا وراه الخملة والخش
تلواو على حلمو غير حفر ؤنبش
ؤ في الغربة ما لقى لعناية أناري
سبابو عُشاق الكرسي والسنطيحة
ذووك لسرقوا القمح ؤدارو لفضيحة
ؤل باقي ما راب ريبوه ...
ؤ عوجوا الصاري
لبلاد ؤلحباب بالدم تعبوا عليه
علموه ؤ ضحاو ...
فكيف يجي واحد فابور يديه
حيت واحد ظالم سرق حقو ...
ؤجلح افراح الدراري
ذاك القاري
فاهم داري
في بلادو حقروه ؤدكوا الامنيات
داسوه صحاب الجهالة ل في الغفلة أموات
تقلبت الكفة...
ؤعاد السمسار لغاه ل ساري
شرا هذا ؤرهن ذاك
على اهل الحرف حاقد ساخر ؤهو غ عراك
ظلام الحال ؤفي القلب هاجت ناري
ذاك القاري
في بلادي ذاق اليأس والعذاب
ؤ عند الروم ضربوه ليه الف حساب
شدوه شدة ب التعناق والصواب
طور ؤعطا ؤهنا ذبلوا نجومي واقماري
بناو بفضلو الأمل والدنيا تطورات
شوف اوروبا بفضلهم فين وصلات
بنات المجد ؤبقات لبلاد في لحفاري
هم الملحة واللحظ بغاها مسوسة
نهب نهب ؤهرب ضرسة وسوسة
سايبة لقاوها ؤهدوا المدرسة وزهاري
ذاك القاري
عطيه قيمتو ؤزيد عطيه
ما تحقرو هو الغد فخود بيديه
تزيد لبلاد لقدام ؤتضوي العدالة ...
دربي ومساري
ذاك القاري
الأديب والشاعر والزجال المغربي الأستاذ أحمد الكندودي
تعليقات القراء
جاري تحميل التعليقات...
شارك القصيدة
القصيدة السابقة
ماذا تريد يا هذا ؟؟القصيدة اللاحقة
من أنت ؟13 نونبر 2024