1 دجنبر 2021
يا لبروكي
يعتمد هذا الموقع على التعليق الصوتي الآلي. لذلك، قد يكون النطق غير دقيق في بعض الأحيان، وخصوصاً في الزجل المغربي.
يا لبروكي
سمع يا لبروكي
أنا مغربي ماشي ماروكي
ديك صفة ديال دوغول ؤ فرانكو
ل في بلادي فشلوا ؤ عركو
ؤمن لأبطال ما صورو م يفركو
واش عقت أو مزال....
في مزبلة التاريخ خامر متكي
انا المغربي
ولد توبقال
ما ركع بحالك تحت نعال
إ.جامي خان يا سي لمكي
ثبت ؤ وزن لغاك
من بلابلا حنا خطاك
ؤغدا نرد كل شبر لي هو ملكي
فافهم يا لبروكي
أنا المغربي ماشي لمروكي
ديك هدرات لغة الروم
ل ليهم انت وفي خدوم
حيت شراوك بشهباء ؤ ويسكي
فابكي يا التمساح ؤشكي
الويل الويل تقيس ارضي ...
شعبي وملكي
زيد هدم ذيك لمحبة
علة انت مسخرة ؤ جربة
ؤقدام الدنيا بسكَوعية مسكَي
فلا تقول ماروكي
ولاد المرابطين حنا والموحدين
زريعة المرينيين والسعديين والعلويين
ماشي بحالك من لفرنسيس مْفابْرِكي
انا المغربي
ماشي المروكي
فاسمع يا لبروكي
الأديب والشاعر والزجال المغربي الأستاذ أحمد الكندودي
تعليقات القراء
جاري تحميل التعليقات...
شارك القصيدة
القصيدة السابقة
بعد الثلاثينالقصيدة اللاحقة
زمان الغمة1 دجنبر 2021