arrow_backالعودة إلى الديوان
14 دجنبر 2022
ديري النية
يعتمد هذا الموقع على التعليق الصوتي الآلي. لذلك، قد يكون النطق غير دقيق في بعض الأحيان، وخصوصاً في الزجل المغربي.
ديري النية
صفي النية
كوني رزينة
راك جميلة
ؤمن لداخل نقية
صفي النية
ديري الصدق طريقك
ما تخلي القطار يفوتك
بالوعد وفاي
ؤ بالبسمة الصافية رشي علي
راني كامل ليك
فكوني كلك ليا
م تسوقي للهدرة الراشية
بلابلا و لعقول الطايشة
طهري روحك من عفن المادية
ياك علمونا لمحبة بحال لحرث
بالنية لقلب يصفا ؤ بالخير ينبت
تدوم لعشرة والحنية
لغة ضحك علي نضحك عليك
ما هي ديني ؤ م نبغيها ليك
نقلة أصيلة ؤ بالرضا محضية
صفي النية
و مدي بالصدق يديك
وها هي بالنية ممدودة يدية
فديري النية
الأديب والشاعر والزجال المغربي الأستاذ أحمد الكندودي
forum
تعليقات القراء
جاري تحميل التعليقات...
شارك القصيدة
القصيدة السابقة
رسالة لأسود الأطلسالقصيدة اللاحقة
الأسد الأحمرarrow_backالعودة إلى الديوان
14 دجنبر 2022