The Poet's Library

عنداك

من محبة بزًز

تلاوي وَطًنز

احتياطي في قلبْ ما بغاك

او على طيبتك تمسكن حتى تمكن

عاد مشوك بدال مْصَنًن

باع راسو بَرْخا ...

وَلَغدر عَندو طبع وسْواك

عنداك

تبغي ل باعك

زعما يشوه سمعتك وباعك

تْغَر وعاد شلاهبي أفاك

عْبَر وقيًس ووْزن

زْواق يطير فافهم

تعود كالة ....

وًجًرْو يزيد يربي على همك لَحْناك

ؤحيت مقصدر به لا تيق

خليه في هواه غ خْوايضي زنديق

يعفط عليك ولاَباس إيلا ما عرًاك

ارض الله واسعة فشوف لمليح

ل يصون قدرك والأصل صْحيح

ما يخون وعد ...

ما يبدل هذا بذاك وذاك

ربي ما كلف نفوس

باش تبقى في وهمك مربوط محبوس

هَرًس سلاسلك...

وَرْمي لِ رماك

قلة الأصل والخش طغى وتبندر

نسى وتناسى باش شبع وتعنتر

داس بسخافتو كل ود...

ومحا من خيالو كل ذكراك

لاح راسو في زًحْمة وَعيِط جْبد

حيت في عينو خشبة ولقلب مْجَلد

جاهل ان ل غداك بَ لْْبن هَنًاك

عنداك ...

من زمان الزحمة

ل بَمْناجلو ذبح صْفا وَرًحْمة

ردْ درب لخير حفاري وشواك

لا تحن لا تقرا للتافه حْساب

طرًق وسد كل دواخل وباب

بَعًد وسير...

وَخَلي لِ خَلاًك

عنداك

تبغي ل ما بغاك

يحطك في لْخلف

دفًة زايدة وَدَفْ

هيكل قزم عليه يشتف

يْعَجبو هبُوطك لا عْلاك

عنداك