The Poet's Library

شتف ؤنتف

شْتف على دًرْويش ؤ زيد ف جيبو نْتَف

حِيت ولاًت الأرض غابة سايبة

تَفْضَح سًرْ ؤسْوارْها هشًة رايبة

الشايطة عاد زعيم ؤ نتاف زاد يسرف

الشايطة استفرد ؤولا بحال لخايبة

داس بنعلو لخير ؤلَوًت ماء لْخابية

عْدَم لْقنعة، ؤلعبة عادت نهب ؤخطف

شتف على بنادم ؤ دير منو ساكَية

أوغطسو فلغمة دوز عليه الرايلة

فالحاضي هو الله، ؤلحق شاخ ؤ خرف

حتىالحراس شاركوا ف نهب طًايبة

قسموا الكعكة ؤ سكنهم شر ولعايبة

ؤ نساو أن الدومة المحشوشة تتخلف

ؤ م تخلف غدا على القوم العايبة

سُرًاق الارض ؤل زرع فيها لعافية

ردوا صبر دبر ؤواد لمحبة جف ؤنشف

شتف على درويش ؤ زيد ف جيبو نتف

حيت الخطافة لقاو لوقت سايبة

ؤحتً ل يحاسب عادت يدو كاوبة

ماتت لمروة ؤحلف لخواض لَرجع أوعف

شتف ؤ نتف....