The Poet's Library

مالك ألِيًام

مَالِك أَلِيًام دَوًدْت

واخا مًلْحناك بالصبر

ريحتك عطات ،

فاحت ب القبح ؤُ الشر

الأمان نشرتيه

وعْلَى حْبَلْ لخيبة ولغذر

مالك أليام قَسَحْتِي لَقْلوبْ

فوَلاًت كِ لحجر وَكْثر

سْحَرْتِي بنادم حتى تْلَفْ

ضاع مَنو النضج والنْظر

شَتًتْتِ الطيبة ولمْحَبًة

فَنَوْراتْ زَريعْتك ضر وقْهَر

مْسَوْكَة بالرماد

ؤُبين عينيك لْقُبْح زاد كْبْر

طْلَقْ ْعروقُو فِ لْكَسْدَة

ؤما حَسْ ولا فكر ولا شْعَر

طْفاتْ عْلَى سطحك وْجُوه ملعونة

نْساتْ الله والأصل ولَقْبَر

بل طفات على سطحك الظًلْمَة

ؤتغَمًم الجوف ونورو رحل وغبر

عَمًرْتي لعقول بلخاوي

ولخاوي خاوي مَأ يْعَمر

طريقو حفاري عميقة

وَمَنو جا لْبَاسْ وَالضُر

فمالك أليام عوجة

عاطية للخير ب الظهر