The Poet's Library

ما عاد يْهَم

تَمْدحْ اولا تْسَبْ وتَشْتم

تبغيني او تكرهني

تحقرني او تهني

تربطني بحبال تلاوي ...

ما نَتْجر ليك ما نجثم

فمك هذاك

خليه يسرسر راه غ افاك

رايب حُمًارو لْهَمْ ولغَم

شوف في عيوبك وشذبها

نقي روحك ودواخلك هذبها

راه ترْفع عليك لحجاب ...

طايش ولمخ عامر رْدَم

لسان ماضي وذراع كَادي

لفيش وتنوعير وافين غادي

طريقك ما هي طريقي ...

كلها ؤ تربيتو وقناعتو فحشم

ما كلف الله نْفوس غ وُسَعْها

غ فوت شجرة الخير ول قدامك جذًرْها

غرًب اولا شرًق ...

شغلك هذاك لْجهل ولْوهم

ما بغي منك محبة ولا شفقة

شد لجامك من كل زايدة وهرطقة

عْبَر راسك واحكم عليه ...

وفي شبوق لغير بخطوة وحدة لا تْقدم

شوف في لمرايا هي تخبرك

صورتك صورة شيطان ممسوخ مفبرك

شاد دُنيا من ذيلها ...

جامع كاع تبَهلا وخاوي إيلا تكلم

ما عاد يهم

تمدح اولا تسب وتشتم

غرق في شرورك ودير لمسافة ...

ففك الرسالة وحاول تفهم

ما عاد يهم

غ راحة الروح والبال

لوحدة ولكفاية ولوح ل ثقال

عيش وعلى اهل لبهتان والسوء زطم

ما عاد يهم