11 يوليوز 2022
لعرق الحار
يعتمد هذا الموقع على التعليق الصوتي الآلي. لذلك، قد يكون النطق غير دقيق في بعض الأحيان، وخصوصاً في الزجل المغربي.
لعرق الحار
لعرق لحار
وخا تسقيه بالطيبة
يسقيك أذى وضرار
حالتو قصص غريبة
قلة الصفا ذميم مشرار
بالمخيط يغرز كل عجيبة
عاض لبزولة لا حشمة لا تيقار
اه يا الدنيا الهايفة بحال زريبة
مال سماك فتنة وعجاج ؤغبار
مصيبة تبرا فتنبت مصيبة
لقلب رشا ؤقطعوه بالمنشار
هاذ الدنيا عادت يا صاح صعيبة
ولد الناس فيها م يسعد غ لأكدار
بنو رهطين ملتهم قصبة ؤسبيبة
ؤ لي كبرتي به يعضك حيت نكار
قالوا الصبر دواه ؤ غ كذيبة
م يزيد غ يحك عل الدبرة ب لحجار
علة صابتك ؤم ينفع طبيب او طبيبة
ساحت على ضفافو الملحة والعار
ربي اش هاذ لعجب ؤهاذ الخيبة
لا زهر ضحك ؤلا فتحت أزهار
لعرق الحار
دافع كبير طباعو غيبة
ؤ ب لسانو سمم فرحة النوار
قبيح السريرة م يفهم الطيبة
الراس كدية عامر حجر ؤمزرار
لعرق لحار
م وعى م فهم بغاها سيبة
ينوض عليك النحل قيمتو نكار
ضرب هذا بهذا شرورو قريبة
ما حرثي بالنية ؤجدرك دفلى حار
الأديب والشاعر والزجال المغربي الأستاذ أحمد الكندودي
تعليقات القراء
جاري تحميل التعليقات...
شارك القصيدة
القصيدة السابقة
العجبالقصيدة اللاحقة
رسالتي الى كل متقاعد11 يوليوز 2022