The Poet's Library

بقا في دارك

بقا في دارك...

تحمي ي خويا نفسك ؤ بلادك

ؤ من العلة جْضي ...

لميمة ؤ لبو ؤ ولادك

العلة ي صاحبي غدارة

ل قاستو نارها حر ؤ شرارة

ؤ ب لحريقة تحكم على جوادك

أو تْعادي ل رباك ...

خوك أو عمك أو جارك

فكَاد اخويا راسك

تبث في الصح رباطك

م بغينا ليك ضر ولا ضرار...

ؤ م بغينا عارك

داء كرونا أبلادي م فيه لعب

طاعون قتال يسكن القلب

ؤ بعدم الإنصياع ...

تتقوى العلة ؤ نَتَطلاو كَاع

فشد ب نضج حجارك

بقا في دارك

لخرجة بلا هدف اش بغيتيها

ؤ ل م لقيتي م دير...

دور بأسرتك راك نستيها.

طبطب ب لمحبة ؤصلح حالك

م تسلم ؤم تبوس م تعنق

ؤ ل درتيها وليتي مصرفق

ميترو حدود ف شد تيقارك

بقا ي خويا في دارك