11 يونيو 2023
درب الراحة
يعتمد هذا الموقع على التعليق الصوتي الآلي. لذلك، قد يكون النطق غير دقيق في بعض الأحيان، وخصوصاً في الزجل المغربي.
درب الراحة
في سكاتي راحتي
وفي البعد من الظلمة فرحي وهنايا
ذيك رحبة فليو رحبتي
عوينتها صافية بلارا
حال الحال ؤتزادت خيبتي
دنيا لعجب والحروف عادو سبايا
فاحسن نحمل عتاد خيمتي
اوتاد لقصيد احلامي ومنايا
عابر سبيل والساحة ساحتي
خضرة الربيع على وجه الحرف رجايا
بين الخش والطوب هاذي ساعتي
نبعد على لعمى تاجر لحس والنكاية
وجوه النكران ما هزتهم صيحتي
والمحبة الصافية بين الرجلين عادت بقايا
ما بغيت انسة كاذبة تهد صلتي
راسي رفيقي...
ؤ معاه لا كذوب لا وصاية
فهم لغا حمرة الشمس وتفتح النعمان
صيحة الطير بكاه والاشجان
ما لقى بين غصان لغابة عش ...
عاد غريب ودمعو عكساه لمرايا
ؤحيت شلة روايات وحكايات...
عاد لحر في زمان لبهوت غطاية
بل شيروا عليه بالقيل الساخن
صنعوا منو رماد ودخاخن
كواو ذيك الطيبة ...
ؤتعلموا في حجر لعافية يكونو لغاية
بل حطابة ومناشر
مول لعقل سفهوه عاد في غيس جهل واحل
شي يمضع شي والتشلهيب علام وراية
فاحسن وحدتي وتقاري
فهم غ نتا فما لحظكم نواري
صفا ولوفا طريقي والصدق عناية
لي بغاك بغيه وخا لجراح سياحة
ما تحاسب حد عداك ؤزيدو سماحة
تبع ضو لكمرة في سيرها ؤقلني من رزايا
ففي سكاتي راحتي
ؤ في بعاد كل ذميم فرحي وهنايا
الأديب والشاعر والزجال المغربي الأستاذ أحمد الكندودي
تعليقات القراء
جاري تحميل التعليقات...
شارك القصيدة
القصيدة السابقة
شريعة عشقالقصيدة اللاحقة
خبث وأوهام11 يونيو 2023