The Poet's Library

بْقى

على طيبتك وزيد تْرقى

لُوح لْمجحوم

لِ كلشي عندو مشبوه مذموم

طَرًق على لْغا لخاوي ...

ؤ دير لمحبة ولخير صفقة

كَاعْ ل شْكى خان نْهارْ ؤ ما وْفى

عاد غراب بكاي طامة ورجفة

خُشْبة ومسمار ومطرقة

مْرَهَط بَسَبْع رْواح

يْهَرِس روحك باشْ تَقْساح

حنش ساير ينفث سمومو ...

ما صفًى ما نقًى

هو لغا لخاوي سْفاهة

طبطب وكن رْحيم ووداعة

خفف على لمهموم همومو ...

راه شبع منْ ظْلام لحال..

بلابلا ولحُرقة

نْطَقها زينة وبْلا سَماوي

لمحبة بَصْفا لا بَتْلاوي

تعيش مْوَسوس وكلشي عَلقة

نقش دربك بالأمل ولْخير

ركب لقلم ولحرف وسير

بعد من دربك تربية نْهيق وَزًنقة

ما يهم زواق لبس قياسك

دير لهم في الشبكة وعز راسك

غربل ذيك السلبية ولْخنقة

ما فرق الله ريوس غِ لراحتها

الشر ولخير فيها ولقلب ساحتها

فزين طباعك...

بلا ظن وقلة الثقة

بل بقى

أصيل مأصل

على الله ونفسك عوًل

بْغي خلق الله ...

وبين لعوافي كون لين ورقة

لا تحاسب بنادم على فعالو

كلها وقياسو وكلها وميزانو

طهر لجوف وزيد صونو وتْنقًى