12 دجنبر 2025
الملحة دودات
يعتمد هذا الموقع على التعليق الصوتي الآلي. لذلك، قد يكون النطق غير دقيق في بعض الأحيان، وخصوصاً في الزجل المغربي.
الملحة دودات
دودات الملحة
ؤكلها ب الواسطة لا بدارعو
البحلاس م بقى لو وجه
حتى ذاك الضمير قايضو ؤ باعو
الخملة بالريبة عايشة والجشع
ؤ الشايطة سكنت التراب ؤ دنست قاعو
خبط خبط ؤبوكرش كاع م شبع
حلل النهبة ؤزادها بطماعو
ناس تعاني والقلب موجع
ؤقلوب لحرير تهمشوا ؤ ضاعوا
كلاب لكرنة ف ذيك القبة قطرو غ الشمع
نهبوا حق الريحان ؤ ما راعو
والحاضي وسط الزوبية عاد شريك م ردع
حمى بوكرش ؤ تمادات يدو وصباعو
سرق سرق والعساس مخبع بالقمع
بغا غ حقو من كعكة ل جاعو
شوهة هاذي ؤضبوعة بصموا بالصمغ
حولوا القبة زاوية ؤ حويطة...
ؤباليأس ضاع الحلم ؤ مال شراعو
البهدلة والجهل ؤ شرع لخروع
ؤ ل كان ساهل ما عاد ساهل ...
ؤ لوى للحر دراعو
لخاوي ولى في زمان السيبة سبع
داس المسكين ؤزاد ف وجاعو
المخ مثقوب بالكيدية والطمع
شرعو لفضيحة ؤ الدراوش جاعوا
واليوم دودات الملحمة فاسمع
باك صاحبي ؤ سمسار عاد للظلم زراعو
المال السايب
الغاب العايب
ؤ بنذير لكلخي كثار صداعو
عاد الجور ف سوق الغفلة يخلع
مالت كفت الميزان واهل الحق زاغوا
اه منك يا زمان السايبة ؤ لفجع
طلاونا كلابك قباحة ؤضباعو
فيك الملحة دودات والقلب توجع
كلاب لكرنة لواو للسبع دراعو
نهيق ؤ التصفيق موضة ومرجع
أشباح ؤسراق ؤ ولاد العز ضاعوا
الأديب والشاعر والزجال المغربي الأستاذ أحمد الكندودي
تعليقات القراء
جاري تحميل التعليقات...
شارك القصيدة
القصيدة السابقة
نبضات عشقالقصيدة اللاحقة
حرب الكبار12 دجنبر 2025